Church Universal and Triumphant/is: Difference between revisions

Að lokum, ef þú ákveður virkilega að taka þátt í að mynda grundvöll fyrir loga Guðs-móðurinnar á [[Special:MyLanguage/Aquarian age|Vatnsberaöld]], þá myndir þú íhuga aðild að Sigursælu alheimskirkjunni. Jóhannes XXIII páfi útskýrði fyrir okkur að þeir sem eru félagar innri kirkjunnar, himnesku kirkjunnar, hafa nú þegar teninginn í hjarta sínu. Teningurinn er merki um aðild og það er ekki hægt að bera á móti því: annað hvort hefurðu teninginn í þér eða ekki. Það er merki guðdómsins og merki um þjónustu þína við ljósið í fyrri jarðvistum. Þú getur áunnið þér teninginn með því að gerast innvígður í Kirkjuna.

Það er mjög áhugavert að frá því að við hófum að vígja félaga í Kirkjuna, þegar væntanlegir félagsmenn hafa komið fyrir mig í viðtal, hefur Jesús sýnt mér teninginn í hjartanu. Hann lýsir upp. Það er kristall. Það er fullkominn teningur. Og hann umlykur [[Special:MyLanguage/threefold flame|þrígreinda logann]]. Það er stórkostlegt að sjá hann, og við sjáum hann í öllum dýrlingunum í hvítum skikkjum sem standa í þessari voldugu dómkirkju. Sigursæla alheimskirkjan er gerð til að vera opin dyr hinnar [[Special:MyLanguage/Divine Mother|guðdómlegu móður]] til að taka á móti einstaklingum úr öllum stigum samfélagsins. Það eru einstaklingar í hverri kirkju á jörðinni sem hafa þennan tening í hjartanu. Okkur er ekki svo mikið umhugað um að þeir gangi til liðs við okkur heldur að við styrkjum ljós þeirra svo að við getum verið eitt í loganum.

Það eru tólf trúarreglur sem mynda grunninn að þeim sem vilja gerast [[Special:MyLanguage/communicant|innvígðir]] í Kirkjuna. Innvígðir eru þeir sem vilja tengjast kirkjunni á ytra borði með því að sækja um aðild og styðja ytri samtökin. Það eru nokkur stig aðildar innan Kirkjunnar. Til að vera gjaldgengur til að gerast innvígður biðjum við þig um að hafa lokið við sjö lexíur sem Varðveitendur loga bræðralagsins gangast undir.  

Aðild að kirkjunni á ekki að taka með lettúð, heldur með tilliti til ábyrgðarinnar sem felst í heildarkölluninni. Við teljum mikilvægt að fólk hafi tíma til að íhuga ábyrgðina — að kynna sér kenningar meistaranna, að lesa bækurnar, að átta sig á því hvað aðild þýðir.