Ernon, Rai of Suern/is

Ernon, Rai af Súern var uppi fyrir 13.000 árum á tímum Atlantis. Sagan af þessum einstaka manni er sögð í bókinni A Dweller on Two Planets (Íbúinn á tveimur plánetum) eftir Tíbetann Fýlos, sem kom út árið 1899. Þetta er sagan af æviskeiðum Tíbetans Fýllos á fornöld Lemúríu, Atlantis og Bandaríkjunum á nítjándu öld.

Æviskeið á Atlantis

Rai er orð frá Atlantis sem þýðir „keisari“ eða „konungur“. Þegar Fýlos var í holdinu sem Zailm á Atlantis, en þá var Rai Ernon keisari landsins Súern. Þetta land náði yfir núverandi Indland og hluta af Arabíu. Íbúar Súern höfðu að því er virtist undramátt, þar á meðal hæfnina til að framleiða sinn eigin mat. Þessi kraftur stafaði fyrst og fremst af strangri hlýðni þeirra við siðferðisreglur sem konungur þeirra knúði þá til að fylgja. Í öðru lagi nutu Súern-búar þessara krafta fyrir milligöngu dulrænna fullnuma þess tíma sem voru kallaðir Synir einverunnar.

Rai Ernon var einn af Sonum einverunnar. Þessir synir voru einlífir, bjuggu án fjölskyldna, oft fjarri siðmenningu. Í undantekningartilvikum sneru þeir aftur til siðmenningarinnar til að þjóna náunga sínum í kirkju og ríki. Þeir fóru í gegnum áralanga þjálfun, hverja endurfæðinguna á fætur annarri, til að verða óuppstignir og síðan uppstignir fullnumar.

Rai Ernon bjó yfir ótrúlegum kröftum sem gerðu honum kleift að sigra óvini lands síns án þess að þurfa að nota vopn. Í bókinni Íbúinn á tveimur plánetum lesum við frásögn sjónarvotta af því hvernig Ernon sigraði einn síns liðs 160.000 manna her Kaldea.

Þrátt fyrir allan sinn mikla mátt var Súern-þjóðin ekki hamingjusöm. Zailm tók eftir því að íbúar Súern unnu ekki konung sínum, Rai Ernon. Sagan af Súern-þjóðinni er saga um karma uppreisnar gegn lögunum og löggjafanum. Þar sem Rai Ernon neyddi Súern-þjóðina til að hlýða ströngum siðferðisreglum sem forsenda þess að geta notið dulrænna krafta, formæltu þeir Ernon í hjörtum sínum og margir gerðu uppreisn gegn stjórnanda sínum.

Við andlát Ernons misstu mennirnir máttinn sinn eins og hann hafði spáð. Hann var gúrú-meistari þeirra og þeir voru vanþakklátir chela-nemar. Þeir höfðu fengið krafta sína einvörðungu fyrir náð hans og bakstuðning. Þeir gátu ekki lengur framleitt sinn eigin mat. Til að lifa af þurftu þeir að læra grunnatriði landbúnaðar, búskapar, námuvinnslu og spuna undir handleiðslu og þjálfun Atlantsbúa.

Súern-búar

Sagan af Súern-þjóðinni nær reyndar lengra aftur til þess tíma þegar Jesús var keisari gullaldar á Atlantis fyrir 35.000 árum. Hann sagði af sér sem konungur Atlantis vegna þess að 80 prósent fólksins kröfðust þess. Þau 20 prósent (um tvær milljónir manna) sem studdu Jesú yfirgáfu Atlantis með honum og fóru til Súern. Ein milljón þeirra gengur í gegnum upprisuna frá landi Súern. Hin milljónin hélt áfram að fæðast í holdinu. Flestir þeirra fóru afvega og misstu tengslin við hið heilaga Krists-sjálf sitt sem þeir höfðu þekkt á Atlantis.

Þessar milljónir sálna héldu áfram að endurfæðast á Súern og Atlantis. Í gegnum aldirnar fæddu þær margar af þeim sálum sem höfðu snúist gegn Jesú á gullöldinni á Atlantis. Á tímum Zailms voru fyrrverandi Atlantsbúar frá þeirri gullöld í holdinu á Súern. Þessir Súern-búar héldu áfram að endurfæðast og héldu fast við sinn keip sem þeir sýndu á Atlantis og í Súern.

Súern-þjóðinni var síðan gefinn kostur á að endurfæðast sem afkomendur Abrahams til að bæta fyrir karma sem hún hafði skapað, sum þeirra með því að svíkja Jesú á gullöld hans á Atlantis og önnur með því að stuðla að niðursveiflu og öfugþróun á Súern. Það var fyrir tilstuðlan þessa karma sem Ísraelsmenn voru sendir í ánauð til Egyptalands. Ísraelsmenn hafa haldið áfram að endurfæðast til dagsins í dag.

Mol Lang

Tíbetinn Fýlos hitti Rai Ernon aftur í Bandaríkjunum á nítjándu öld. Fýlos endurholdgaðist sem Walter Piersons, sem hitti meistara frá Venus (plánetunni) að nafni Mol Lang, sem tók hann með sér í fínni líkama sínum til Venusar. Mol Lang var Rai Ernon sem kom aftur. Mol Lang kenndi Walter um tilgang lífsins, lögmál karma og endurfæðingu, eðli lífs eftir dauðann, tvíburaloga og aðra eilífa sannleika.

Fýlos lýsir Mol Lang og skrifar:

[Hann hafði] djúpstæð augu, var brúnaþungur, og hafði svipað höfuðlag og heimspekingurinn Sókrates; snjóhvítt hár hans og langt, hvítt skegg, ásamt hermannlegri reisn í framkomu, gerði Mol Lang ... að persónugervingi dulspekinnar, frá mínu sjónarhorni.... Vefjarhöttur hans ... var blár, brúnflekkóttur.... Hann bar langa, gráa skikkju, ... með belti um mitti. Á fótum hans, fallegir og fíngerðir að lögun, voru sandalar.

Fílos segir að trú hans á Mol Lang hafi verið innblásin af „hinni mildu reisn og góðhjörtuðum kærleika“ sem hann sá „geisla frá þessum djúpstæðu, rólegu gráu augum.“

Þjónusta hans nú á dögum

Hinn uppstigni meistari Ernon, Rai af Súern, segir:

Flutningur kenninga hinna uppstignu meistara, sem gefnar eru fúslega, var örvandi þekking fyrir þá sem höfðu hana fyrir 35.000 árum á gullöld Atlantis og á mörgum öldum þar á undan, því þessar sálir höfðu verið með Jesú löngu áður en fylling tíma þeirra rann upp á þeirri gullöld.

Þess vegna skuluð þið koma ykkur í skilning um að hefðirnar sem finnast í hinni vesturlensku Biblíu innihalda brot og leifar af þessari fornu kenningu. Þessi brot hafa uppstignu meistararnir gefið fyllri merkingu í nútímanum — þar á meðal hinn ástfólgni Saint Germain, El Morya og auðvitað drottinn Jesús Kristur. Margir aðrir hafa gengið til liðs við uns hinir heilögu hvítklæddu í óteljandi fjölda hafa komið fram til að gefa þessa kenningu.

Sjá einnig

Tíbetinn Fýlos

Synir einverunnar

Atlantis

Heimildir

Mark L. Prophet and Elizabeth Clare Prophet, The Masters and Their Retreats, sjá “Ernon, Rai af Súern.”