Sarasvati/is: Difference between revisions

Sarasvati táknar einnig hreinleika og klæðist hvítu. David Kinsley, prófessor í trúarbragðafræðum við McMaster-háskóla í Ontario í Kanada, útskýrir:

<blockquote>Ríkjandi stef í fasi Sarasvati eru hreinleiki og yfirnáttúrulegt eðli. Hún er næstum alltaf sögð vera hvít eins og snjór, tunglið eða kunda-blómið.... Klæði hennar eru sögð vera eldheit í hreinleika sínum....</blockquote>

<blockquote>Hið yfirnáttúrulega handanlæga eðli Sarasvati ... birtist einnig í farskjóta hennar, svaninum. Svanurinn er tákn um andlega upphafningu og fullkomnun í hindúasið.... Sarasvati, sitjandi klofvega á svani sínum, gefur til kynna vídd mannlegrar tilveru sem rís upp yfir hina efnislegu, náttúrulegu veröld. Heimur hennar markast af fegurð, fullkomnun og náð; það er ríki sem skapað er af listrænum innblæstri, heimspekilegri innsýn og uppsafnaðri þekkingu, sem hefur gert mönnum kleift að betrumbæta náttúrulegan heim sinn svo að þeir hafi getað yfirstigið takmarkanir hans. Sarasvati, klofvega á svani sínum, kallar á mannkynið til áframhaldandi menningarlegrar sköpunar og siðmenntaðrar fullkomnunar.... Hún stendur ekki aðeins að baki heiminum og er skapari hans heldur er hún [sjálf] leiðin til að fara handan við heiminn.<ref>David Kinsley, ''Hindu Goddesses: Visions of the Divine Feminine in the Hindu Religious Tradition (Sýnir hins guðdómlega kvenleika í hindúahefðinni)'' (Berkeley, Kaliforníu: University of California Press, 1986), bls. 62, 141.</ref></blockquote>

Sarasvati tengist tali, ljóðlist, tónlist og menningu og er þekkt sem lærdómsgyðja og verndarvinur lista og tónlistar. Bæði hindúar og búddhamönnum dásama hana. Fyrir búddhamenn er hún maki [[Special:MyLanguage/Manjushri|Manjúshri]], bódhisattva viskunnar. Búddhistar höfða til Manjúshri til að öðlast greind, visku og vald á kenningunni, kraft til að útskýra, mælsku og minni. Hann starfar með [[Special:MyLanguage/Lord Maitreya|drottni Maitreya]]. Þau tvö eru stundum lýst í þríeyki með [[Special:MyLanguage/Gautama Buddha|Gátama Búddha]] þar sem Manjúshri táknar viskuþáttinn og Maitreya hluttekningarþáttinn í búddhískum kenningum. Á sama hátt og Sarasvati færir Manjúshri uppljómun að gjöf.