Andi upprisunnar
Sú heimsvera sem þekkt er sem Andi upprisunnar ber upprisuloga, perlulit, til að færa nýtt líf og sigrast á meðvitund um dauða og helvíti.
Andi upprisunnar segir:
ÉG ER logandi nærvera upprisunnar. ÉG ER eldur páskamorgunsins. Ég kem út úr hvirfilvindi hins helga elds sem er Guð og ÉG ER meðvitaður um endurnýjun, upprisu sem lifir og hrærist og andar í hjarta logans. ÉG ER sú logandi nærvera. ÉG ER sú samsömun við Guð, við sólareldinn, sem knýr allt líf til að rísa hærra í fyllingu verkunar lögmálsins ...
Þið verðið að skilja að án krossfestingarinnar getur engin upprisa átt sér stað. Þess vegna kem ég í anda upprisunnar, sem heilög Magda,[1] til að smyrja líkama ykkar með olíu fyrir greftrunardaginn, grafsetningar dauðleikans, holdlegrar vitundar. Það er tákn krossfestingarinnar.[2]
Þessi alheimsvera talar um fyrstu upprisuna og aðra upprisuna:
Ég tala við þig um upprisu þína úr myrkraheiminum og komu þína inn í ljósið sem fyrstu upprisu þína á þeim degi sem þú lýsir yfir: „Í dag er ég fæddur af Guði, ég er sonur Guðs, ég er í loga Guðs og ég veit hver ÉG ER!“
Þetta er upprisa þín úr gröf dauða og myrkurs og falskra kynslóða hinna veraldlegu. Á þessum degi daganna, þegar þú tekur við þessari nýju fæðingu í eldum upprisunnar, tekur þú þér fyrir hendur leið innvígslunnar. Þú byrjar leiðina sem leiðir til annarrar upprisunnar, eftir hana munt þú hafa klætt þig í þann búning sem gerir þér kleift að standa í návist presta Uppstigningarmustersins og athvarfsins í Lúxor í hinum helga eldi til undirbúnings fyrir uppstigningu þína í ljósinu.[3]
Hvar sem karl eða kona stendur frammi fyrir vígslumönnum í Stóra píramídanum, frammi fyrir grafhvelfingunni þar sem gamla sjálfið er grafsett, þar sem nýja sjálfið mun standa fram, hvar sem réttlátir karlar og konur vonast eftir Drottni til að taka þátt í dýrðlegri sameiningu, þar sem ÉG ER, andi upprisunnar, til að hefja sigurspíralinn.
Það er engin önnur nærvera, enginn annar kraftur, engin önnur þekking en logandi sigur. Treystu því Guði. Treystu honum sem er líf þitt. Treystu hverjum hjartaloga sem glóar í endurvakningu, til stuðnings góðvilja himinsins.
Ég er þessi eldraun. Ég er í miðju eldsins. Ég byggi ofninn. Ég ýti þér í gegnum dyrnar og ég kný þig til að leysa upp þessa mennsku vitund í eldinum, hinum helga eldi sem er svali Maha Chohans, hins mikla Drottins sem er sjálfur andardráttur og vitund heilags anda holdi klæddur.[4]
Heimildir
Mark L. Prophet and Elizabeth Clare Prophet, The Masters and Their Retreats, sjá “The Spirit of the Resurrection.”