Ferningsborgin - Nýja Jerúsalem

Engillinn sem sýnir Jóhannesi hina Nýju Jerúsalem, með guðslambið í miðjunni, úr Opinberunarbók Bambergs.

Engillinn sem sýnir Jóhannesi hina Nýju Jerúsalem, Adriaen Collaert (1570-1618)

Nýja Jerúsalem; frumgerð gullaldarinnar, ljósvakaborgir sem eru jafnvel nú til á ljósvakasviðinu (á himnum) og bíða eftir að vera lækkaðar niður í efnislega birtingu (á jörðu). Jóhannes hinn elskaði sá niðurkomu hinnar helgu borgar sem óaðfinnanlega rúmfræði þess sem á að vera og er nú í ósýnilegum ríkjum ljóssins: „Og ég sá borgina helgu, nýja Jerúsalem, stíga niður af himni frá Guði.“ Þannig, til þess að þessi sýn og spádómur rætist, kenndi Jesús okkur að biðja með mætti og krafti hins talaða Orðs, „Til komi þitt ríki, svo á jörðu sem á himni!“

Óuppstignar sálir geta kallað fram mandala (uppdátt, forsnið) Ferningsborgarinnar til að uppfylla Krists-vitundina, eins og að ofan, svo að neðan. Ferningsborgin felur í sér formgerð af sólar- (sálar-) sjálfsmynd 144.000 frumgerða sona og dætra Guðs sem eru nauðsynlegar til að virkja og beina ívilnun og sáttmála hinnar guðdómlegu heildrænu vitundar hans í réttan farveg. Ég Er-nærveran, ljós lambsins lýsa upp borgina fyrir milligöngu vitundar Alheims-Krists, Krists-sjálfsins. 144 gimsteinar eru brennipunktar (beinar) fyrir orkutíðni ljóssins sem er rótfest í orkustöðvum Alheims-Krists.

Kyklópea talaði um Ferningsborgina í fyrirlestri þann 5. júlí 1970:

Þetta kvöld útmála ég fyrir ykkur sýn hinnar helgu borgar, hins stórkostlega Borgarfernings, hins guðdómlega ríkis sem mun koma til jarðar eftir því sem þið haldið við loganum. Og hvert sinn sem ykkur berast fregnir af vandamálum, kreppum og óréttlæti í fréttamiðlum ykkar, þá kalla ég með krafti elóhíms í nafni hins almáttuga Guðs, með leyfi hins heilaga Krists-sjálfs ykkar, megi sýnin um Borgarferhyrninginn birtast úr vitund ykkar inn í heiminn, inn í það ástand, inn í vandamálasvæðin sem guðdómlegur farvegur hins kosmíska tenings, þessa Borgarfernings sem er lykillinn að sigri hvers manns, úrlausnin að uppstigningu sjálfrar plánetunnar.

Dulspekilega séð, fjögur svið efnisheimsins

Dulspekilega séð er Borgarferningurinn mandala fjögurra sviða og ferningur efnisheimsins; fjórar hliðar hins stóra píramída vitundar Krists sem beinast að efnissviðunum. Hliðin tólf eru hlið vitundar Krists sem marka línur og vígslustig sem hann hefur útbúið fyrir lærisveina sína. Hliðin tólf eru opnar dyr að tólf eiginleikum Alheims-Krists sem sólarstigveldin tólf styðja (sem eru útgeislun Alheims-Krists) fyrir hönd allra sem eru gæddir alteknum, brennandi kærleika andans, öllum sem vilja í náð „ganga inn um hlið hans með þakkargjörð, í forgarða hans með lofsöng.“

Athvarf guðlegu móðurinnar

► Aðalgrein: Athvarf guðlegu móðurinnar

María guðsmóðir hefur einnig talað um Ferningsborgina:

Grunnurinn að veru ykkar og lífspýramídanum er sannarlega einn af öðrum, Ferningsborgin. Og hin helga borg sem Jóhannes sá stíga niður af himni — sú borg, ástkæru vinir, er virkisborg æðri vitundar hvers manns í víðáttumiklum víddum hins mikla orsakalíkama. Sameiginlega er þessi mikla Ferningsborg víðáttumikla athvarf guðlegu móðurinnar á ljósvakaáttundum þar sem hin sanna Ljósborg er, þar sem gullöldin ríkir.

Norður Ameríka

Hinir uppstignu meistarar hafa kallað Norður-Ameríku kortið af „Ferningsborginni“, staðinn sem er fyrirbúinn og fyrirheitna landið fyrir endurfæðingu afkomenda ljóss Abrahams. Guðinn og gyðjan Meru hafa sagt:

Við erum staðráðin í að snúa straumnum við með sterkri og sameinaðri Ferningsborg Bandaríkjanna og Kanada. Og þessi stærri ferningur, hvers hjarta er að finna í Innra athvarfinu, mun vera undirstaðan og vígi ljóskraftanna og chela-nemanna sem halda ótrauðir áfram og brjóta á bak aftur uppsafnaðan kraft og áhrif hinna Fjögurra riddara heimsendaslitanna uns þeir verða að þrotum komnir.

Jesús hefur sagt:

Ég er sendur af föðurnum til að upplífga nú tíu þúsund heilaga í Ferningsborginni sem ég marka sem Norður-Ameríku.

Blessaðir hjartans vinir, það er til þessara ríkja og þjóða tólf ættkvísla Ísraels, hinna týndu ættkvísla sem eru saman komin, sem ég kem, rétt eins og ég sendi postula mína til týndra sauða af Ísraelsætt.

Þið eruð kominn af Öllu því sem er satt. Nú skuluð þið vernda allt sem er raunverulegt. Því þessi staður, Norður-Ameríka, sem í hjarta mínu, hið helga hjarta, eins og sumir hinna kristnu fylgjenda minna nefna, hefur verið helgaður vegi uppstigningarinnar ...

Blessaðir hjartans vinir, gerið ykkur grein fyrir því að þessi þjóð, Bandaríkin, þetta ríki Kanada, er hvert og eitt um sig að fara í gegnum þýðingarmiklar vígslur á kærleiksbrautinni, veg sem leiðir til innlimunar heilags anda ...

Blessuð, þessi Norður-Ameríka, staður helgaður af kærleika til endurfundar sálna við Guð, er staður þar sem ljósberarnir gætu svarað og „farið með ákallið“, jafnvel á þessari kvöldstundu sem ég kalla á ykkur, og þá myndi jafnvel hvítt ljós breiðast yfir heimsálfuna til að vernda hana gegn helför riddaranna fjögurra, sem gætu vissulega birst vegna vöntunar á sáttasemjurum á jörðinni.

Hin mikla meginsól

Æðstu fulltrúar guðdómsins í hinu kosmíska eggi eru Alfa og Ómega, sem dvelja í Ferningsborginni í Hinni miklu megisól. Þann 11. apríl 1971 talaði Ómega um þessa Ferningsborg:

Ég kem því til að tendra logann á ný, til að gefa sýn og yfirsýn, til að stýra hinni guðdómlegu áætlun og til að vekja upp í ykkur minninguna um upphafleg heit ykkar sem þið sóruð fyrir framan altari hins hæsta Guðs, meginaltarið í Ferningsborginni, í dómkirkjunni, þar sem hið stórfenglega orgel lék grunntón Guðs-logans ykkar þegar þið fóruð inn í hringi kristaleldshulunnar og hélduð áfram inn í hús stigvelda sólarinnar, stiguð þaðan niður í óendanleikann í gegnum hringrásir tíma og rúms.

Þegar hinir fjórir lægri líkamar eru í fullkominni samstillingu fyrir tilstilli krafta Krists í hjartanu, þá leggst kraftsvið Ferningsborgarinnar í Hinni miklu meginsól yfir vitund mannsins.

Borg englanna

Þann 20. mars 1975 vígði Jesús borg englanna, Los Angeles, sem Nýju Jerúsalem:

Ég, Jesús, Drottinn ykkar og meistari, þrái að hafa í þessari borg englanna varanlegan ljósbeini þar sem aðstoðarprestur Krists getur komið til að boða hjálpræðisorð og draga þessa orku – ljósorku englanna og elóhímanna – að brennipunkti guðdómsins. Því þetta er sá staður í nýja landinu og í nýja Ísrael, í þessum Bandaríkjum. Þetta er staðurinn sem ég hef helgað fyrir Nýju Jerúsalems.

Ég þrái að lýsa hér hinni helgu borg og Athvarfi upprisulogans sem er yfir hinu helga landi. Þannig skal þessi borg í nýja heiminum og í þessari heimsálfu helguð uppfyllingu upprisunnar fyrir hönd alls mannkyns. Ég þrái að koma í kirkju mína, þar sem þeir sem kallaðir eru til köllunar minnar munu taka á móti mér, og ég þrái að prédika orðið fyrir tilstilli Móður-logans á hverjum sunnudagsmorgni til upplyftingar mannkynsins.

Aðrar borgir og staðir á jörðinni

Þann 3. febrúar 1985 talaði erkiengillinn Míkael um að Nýja Jerúsalem myndi einnig stíga niður yfir aðra staði á jörðinni:

Samhliða niðurkomu kraftsviðs Hallar hins helga elds uppi yfir Los Angeles á sér einnig stað niðurkoma ljósvaka hinnar Nýju Jerúsalem á þessum tíma og á ýmsum stöðum á hnettinum.

Við höfum áður talað um niðurkomu þessa forsniðs og þessarar birtingarmyndar, en niðurkoman verður að koma í gegnum rafræna nærveru chela-nema á efnissviðinu, í gegnum segulmagnað hjarta þeirra, í gegnum þeirra eigin ÉG ER-nærveru, í gegnum aðhyllingu þeirra á vilja Guðs og þá fullkomnu trú sem treystir því að Guð muni gera öll kraftaverk og frelsa til fulls þetta samfélag ljóss til að fremja fullkomið verk sitt.

Skiljið að við gætum oft tilkynnt niðurkomu hinnar helgu borgar og þið verðið að skilja hvað hún er: Hún er hliðstæða guðdómlegrar ráðagerðar á ljósvakasviðinu fyrir hverja einustu borg og ljósmiðstöð á jörðinni. Og að endingu, ofan á þessa guðdómlegu ráðagerð, sem er sértæk og einstök fyrir englaborgina, er þar á meðal Nýja Jerúsalem sjálf sem er borg Krists og dýrlinga hans og sem inniheldur hið guðdómlega og sanna ljósvakamót sem týndu ættkvíslirnar og hinir kristilegu munu snúa aftur til.

Við skulum sjá hvort tveggja birtast á öllum sviðum — staðbundin guðleg ráðagerð um ljósvakaborg sem stígur niður (og tekur mið af sérstöðu þess svæðis) og um Nýju Jerúsalem sjálfa. Við skulum öll gera okkur grein fyrir því að ef eitthvert réttlæti á að vera til staðar í heiminum á sérhverju sviði, þá eru það þessi mót sem verður að kalla fram og lækka niður í birtingu. Þannig geta borgarar annarra borga, ríkja og þjóða tekið við þessu, úrlausn minni — þeir geta hlýtt á fyrirlestur minn og hlýtt á hann eins oft og þeir vilja og skrifað bréf sín til Hinna tuttugu og fjögurra öldunga svo að sama ljósvakaforskrift frá Dómstóli hins helga elds geti beinst að ríkjum þeirra og þjóðum.

Ég segi ekki hvert svarið verður. Ég er talsmaður kallsins og sverðs bláa logans. Ég er talsmaður vísinda hins talaða Orðs. Ég er talsmaður krafts orkustöðvar blágeislans og þess sem hún getur gert til að endurskapa heiminn.

Sýn á að græða jörðina

Árið 1970 tilkynnti elóhíminn Kyklópea að stigveldi Sjöstjörnunnar hefði gefið út undanþágu og ívilnun fyrir birtingu guðlegs forsniðs fyrir jörðina. Kyklópea sagði:

Þetta kvöld útmála ég fyrir ykkur sýn um hina helgu borg, hinn stórkostlega Borgarferning, hið guðdómlega ríki sem mun koma til jarðar eftir því sem þið haldið við loganum. Og hvert sinn sem ykkur berast fregnir af vandamálum, kreppum og óréttlæti í fréttamiðlum ykkar, þá kalla ég með krafti elóhíms í nafni hins almáttuga Guðs, með leyfi hins Heilaga Krists-sjálfs ykkar, megi sýnin um Borgarferhyrninginn birtast úr vitund ykkar inn í heiminn, inn í það ástand, inn í vandamálasvæðin sem guðdómlegur farvegur hins kosmíska tenings, þessa Borgarfernings sem er lykillinn að sigri hvers manns, úrlausnin að uppstigningu sjálfrar plánetunnar.

Og því segi ég, í krafti Hins máttuga sigurvegara, með krafti þessarar sexhyrndu stjörnu guðdómlegs jafnvægis sem að ofan, svo að neðan, með krafti hins alsjáandi auga sem smýgur inn í miðju þeirrar stjörnu, beini ég innan vitundar ykkar þetta kvöld og festi í ykkar eigin þriðja auga sýn þessarar alheims Ferningsborgar ...

Þessi hugsýn er öflugasta ímyndin sem hægt er að koma fram með fyrir opinberun Krists og guðsríkis á þessari jörðu. Hún felur í sér allan kraft Heims-móðurinnar og guðdómlega forskrft hennar fyrir allan efnisheiminn fyrir opinberun Krists ...

Megi alsjáandi auga Guðs smjúga í gegn til að ganga úr skugga um hvað er að gerast í heiminum, til að kanna stöðu myrkravaldanna. Og megi síðan þetta frávarp hins kosmíska tenings brennimerkja þá og innsigla staðinn þar sem illskan býr með krafti hins hæsta Guðs.

Öll stigveldi Sjöstjörnunnar stendur að baki þessarar tilraunar til að umbreyta reikistjörnunni algjörlega með krafti hins alsjáandi auga Guðs. Þess vegna segi ég að ég færi ykkur úrlausnina: Kallið til Sjöstjörnunnar og stigveldis hennar. Þar er að finna milljónir kosmískra vera með fylgdarliði sínu sem munu koma fram sem svar við bæn ykkar, milljónir kosmískra Krista sem munu birta þessa guðdómlegu forskrift.

Heimildir

Mark L. Prophet and Elizabeth Clare Prophet, Saint Germain On Alchemy: Formulas for Self-Transformation.

Pearls of Wisdom, 29. bindi, nr. 16.

Elizabeth Clare Prophet, 31. mars 1972.