Godfre

Guy W. Ballard

Uppstigni meistarinn Godfre var Guy W. Ballard í fyrra lífi, boðberi Saint Germains. Hann kom fram með kenningar Stóra hvíta bræðralagsins, lögmál ÉG ER-nærverunnar og hélt Krists-vitundina í brennidepli fyrir plánetuna uns hann steig upp til himins árið 1939. Eiginkona hans og tvíburalogi var Edna Ballard, nú uppstigni kvenmeistarinn Lótus. Dulnafn Guy Ballards var Godfré Ray King. Hann er nú þekktur sem uppstigni meistarinn Godfre, Guðs-hlýðni, en nemar hans minnast hans enn hlýlega sem „pabbi“.

Fyrri jarðvistir

Gullöld í Sahara eyðimörkinni

► Aðalgrein: Gullöld í Sahara eyðimörkinni

Godfre endurfæddist sem sonur hins mikla konungs (Saint Germains) sem réði yfir þeirri siðmenningu sem blómstraði þar sem nú er Saharaeyðimörkin fyrir meira en 50.000 árum. Guy, eiginkona hans, Edna Ballard, og sonur þeirra, Donald, endurfæddust sem börn Saint Germains þar.

Inka-siðmenningin

Í bókinni Unveiled Mysteries (Afhjúpaðir leyndardómar) ræðir Saint Germain um Godfre, Lótus og Donald Ballard sem endurholdguðust til að veita aðstoð þegar Inka-siðmenningin náði hámarki sínu. Þau komu til að þjóna þar sem þörf var fyrir sem börn Inka-stjórnanda, sem hafði mikla hollustu við Uppsprettuna og náði mjög miklum árangri í gegnum þá Uppsprettu: „Hann þekkti og meðtók vitandi vits kraft Hinnar miklu meginsólar.... [Fyrir Inka-þjóðinni á þeim tíma] var sólin tákn guðdómsins. Það hafði raunverulegan innri skilning á kraftinum frá Hinni miklu meginsól — sem við köllum Krist á okkar tímum.“

Vegna þakklætis síns og kærleiks var Inka-höfðingjanum kennt að skilja og beita hinu mikla alheimslögmáli. Donald endurfæddist sem sonur hans. Honum var kennt að stýra ríkisstjórn og hverjar guðlegar skyldur stjórnanda voru. Lótus, dóttur hans, var kennt að starfa á innri stigum og virkni lögmálsins og var hún vígð sem hofgyðja í Sólarmusterinu. Godfre var kennt alheimslögmál sem lágu til grundvallar prestdæmisins og einnig, í leynd, að hafa yfirráð yfir herjum.

Eftir tíu ára sérstaka þjálfun í Perú voru þau þrjú send norður til einnar af nýju nýlendunum í Inka-veldinu í þeim tilgangi að hjálpa fólkinu að auka starfsemi sína og örva framfarir. Þau komu til staðarins sem nú er Mitla, í Oaxaca-fylki í Mexíkó. Lótus þjónaði þar sem hofgyðja í meira en fjörutíu ár í því sem var eitt glæsilegasta musteri þess tíma, sem þau reistu undir stjórn eins af hinum miklu uppstignu meisturum Gullnu borgarinnar uppi yfir Saharaeyðimörkinni. Ytri hlutinn [út Inka-hofinu] var úr gríðarstórum steinum, en suma þeirra má sjá meðal rústa musterisins í dag.

Stytta af Ríkharði ljónshjarta fyrir utan Westminsterhöll í London

George Washington eftir Gilbert Stuart (1797)

Síðari endurfæðingar

Meðal annars var hann „einn af riddurum hringborðsins“ og „Ríkharður ljónshjarta“ (1157–1199), konungur Englands í fyrri lífum.

George Washington

► Aðalgrein: George Washington

Godfre endurfæddist einnig sem George Washington (1732–1799), fyrsti forseti Bandaríkjanna.

Guy W. Ballard

Vendipunkturinn í köllun Godfres og lykillinn að sigri hans á sínu síðasta æviskeiði átti sér stað þegar hann var á gangi í Broadway í Los Angeles. Á þeim tíma, þegar allt virtist vera andsnúið honum, nam hann skyndilega staðar og gaf jaðarbúanum ("púkanum í sjálfum sér") tilskipun til leifanna af því sem eit sinn var hans eigin óumbreytti mannlegi breyskleiki: „Þú hefur hrætt mig í síðasta sinn. Þú hefur engan mátt.“

Skömmu síðar á Shasta-fjalli hitti hann meistarann ​​Saint Germain, sem tók hann með sér í athvarf Bræðralagsins og þjálfaði hann fyrir heimsköllun hans. Þessar upplifanir eru skráðar í þremur bókum sem hann gaf síðar út sem tjáningu á hinum þrígreinda loga sem stóð fyrir vitund meistarans, Unveiled Mysteries (Afhjúpuðu leyndardómarnir (gulur)), The Magic Presence (pink) (Töfranærveran (rauðgulur)) og The “I AM” Discourses' (blue) (Samræðurnar um „ÉG ER“[-nærveruna] (blár)).

Þótt skilyrðin fyrir uppstigningu hans hefðu verið uppfyllt nokkrum árum áður en hann steig upp, bauð hann sig fram til að halda áfram þjónustu sinni við Bræðralagið sem tengiliður þeirra í heimi formsins. Með aðstoð hins Guðdómlega mikla stjórnanda í Ljóshellinum voru fjórir lægri líkamar hans samstilltir og þrígreindir logar hans jafnaðir, sem gerði honum kleift að vera farvegur margra kraftaverka og lækninga fyrir uppstigningu sína. Meðal annarrar þjónustu sinnar í holdinu tók Godfre á sig karma heimsins og friðþægði fyrir mannkynið í eigin persónu, og hlífði því þannig við miklum þjáningum sem hann sjálfur kaus að bera, rétt eins og Jesús bar syndir mannkynsins með krossfestingu sinni.

Lærdómur úr lífi hans

Af Godfre lærum við að óbilandi hlýðni við uppstiginn gúrú-meistara og við hið mikla lífslögmál er nauðsynleg fyrir einstaklingsbundinn sigur og til að ljúka tímaáætlun alheimsins fyrir gullöldina. Hver óhlýðniverknaður setur skorður fyrir áætlanir Bræðralagsins um sigur plánetunnar, sigur sem hver einstaklingur ber ábyrgð á, bæði einstaklingsbundið og sameiginlega.

Önnur mikilvæga lexían sem við lærum af Godfrey er að ekki fyrr en við hættum að setja mennsku vitundina á stall að við getum hafið gönguna upp fjallið til vígslu okkar. Höfnun á mennskri sjálfshyggju og vitund ætti að eiga sér stað í hvert skipti sem egóið reynir að trana sér fram. Maður þarf aðeins að segja: „Í nafni hinnar máttugu ÉG ER-nærveru minnar neita ég að sætta mig við harðstjórn mennskrar vitundar minnar!“ Um aðra einstaklinga gæti maður sagt: „Í nafni hinnar máttugu ÉG ER-nærveru minnar neita ég að sætta mig við mennska vitund (hans eða hennar). Ástkæra heilags Krist-sjálf, þú stígur fram í blossandi veruleika þínum og ert eina nærveran sem hér ræður ríkjum!“

Godfre fékk aflausn með hlýðni við lögmál tilverunnar. Hann kennir okkur að stíga upp skref fyrir skref með því að lyfta hugsunum okkar og tilfinningum, orku okkar og gjörðum. Uppstigningin er markmið lífsins ekki aðeins fyrir hina fáu, heldur fyrir hina mörgu.

Sjá einnig

Lótus

Mary Lou

Heimildir

Mark L. Prophet and Elizabeth Clare Prophet, The Masters and Their Retreats, “Godfre.”