Merkúr (reikistjarnan)
Reikistjarnan Merkúr er á stærð við tunglið okkar, mjög lítil, og orkuvafningar hennar eru þéttir. Hún er miklu nær sólinni en jörðin. Hún fær mikið ljós frá sólinni og er mjög heit reikistjarna, þannig að við verðum að auka vitund okkar og orkutíðni til að komast á svið Merkúrs. Íbúar Merkúrs hafa risið upp í spíral á samskiptasviðinu og þeir koma fyrir sjónir með bláa hjálma og gullhjálma sem sýna gullna vitund sólarinnar.
Þar sem Merkúr er nær sólinni er hann nær hvíta eldkjarnanum. Þegar Manvantara lýkur og allt sólkerfið snýst aftur inn að hjarta Helíos og Vestu, þá verða reikistjörnurnar sem eru næst sólinni þær sem snúa fyrst aftur upp. Þannig að í stigveldisröð reikistjarnanna sjáum við að þær sem eru nær sólinni eru að búa sig undir afturkomuna. Annað hvort rísa þær upp og halda sjálfsmynd sinni og vinna uppstigningu sína eða þær leysast upp. Það verður örlög hverrar reikistjörnu í sólkerfinu: annað hvort að ganga í gegnum annan dauðann, að sundrast og vera ekki lengur til vegna þess að hún hefur ekki staðist prófraun sína, eða að stíga upp og verða varanleg frumeind í tilveru okkar eigin sólar, Helíos og Vestu.
Merkúr er ein af þeim reikistjörnum sem ætlaðar eru að rísa upp, og hnitmiðað málfar sem einkennir íbúa Merkúrs er verkun hins hvíta eldkjarna, að þurfa ekki að fara lengra en nauðsynlegt er til að miðla skilaboðum.
Barátta ljóss og myrkurs á Merkúr
El Morya útskýrir sögu Merkúrs og baráttu ljóss og myrkurs þar:
Lífsbylgjur sona og dætra Guðs sem hafa þróast frá Merkúr, sem hafa þjónað með Sanat Kumara og sem nú búa á jörðinni, koma frá þróun sem við þekktum fyrir æva löngu. Í þeirri plánetu skiptust á ljós og skuggar. Hér, þar sem tákn tvíburamerkisins er beinskeyttur aðgerðarhugur Guðs, var ljósinu brenglað með vélrænni sköpun vélmennis sem var eftirlíking tvíburahugans. Algjör svívirirða gegn hinum almáttuga! Og samt héldu hinir föllnu áformum sínum ótrauðir áfram — og það virtist um tíma sem þeir myndu bera sigur!
Þeir sköpuðu þá vélmennafyrirbrigði með yfirborðskennda getu til að takast á við jarðbundnar upplýsingar en skorti dýpt kærleiks/visku sem kvíslast fram úr þrígreinda loganum. Þetta, af því er virtist hagnýta en samt andlega óhagsýna vélmenni hóf að bera þessa siðmenningu ofurliði. Áskorunin fyrir syni og dætur Guðs var að nota þá tvíburahugann til að afsanna og hrekja, lasta, binda! og fjarlægja frá Merkúr þessar birtingarmyndir — sem var algjört valdarán á sköpun hins almáttuga.
Þegar við sáum áskorunina og eins og guðinn Merkúr kenndi okkur, vissum við að óbilandi hollusta við vilja Guðs, það að draga til sín orku með demantsoddi æðra sjálfsins, það að beita sverði bláa logans og að ná tökum á virkni fóhatískra lausna myndi leiða til sigurs.
Fóhatískar lausnir, mín blessuðu, eru sameindaformúlur sem eru notaðar til að losa orku orkustöðvanna á ákveðinn hátt. Þessi kraftur, þegar hann er kóðaðar í ákveðnum birtingarmyndum, getur komið fram á efnissviðinu í hvaða birtingarmynd sem er, hvaða styrkleika sem er af völdum geislanna sjö fyrir ákveðna aðgerð eða áskorun. Ykkur er það ljóst að svartagaldursmennirnir hafa brenglað þessar lausnir og stillt hinar brengluðu lausnir sínar á tónlist, spilað þann takt og þá tónlist og þannig valdið því að gríðarlegt orkumagn hefur farið til spillis gegn börnum Guðs. Þetta hafið þið séð og heyrt með eigin augum,[1] og þess vegna skiljið þið það sem ég tala um.
Nú, það var þá sökum djúprar löngunar okkar til að frelsa sálir á þróunarbraut Merkúrs (sem voru leiksoppar vélmennasköpunarinnar) að við yrðum fullnuma við að fylgja vilja Guðs. Algjör brenglun á algjöru valdi krefst mótvægis með styrk hinnar Miklu miðlægu sólarsegulsorku. Þið munið að sigur Jesú Krists gaf honum allt vald yfir himni og jörð,[2]til að sigra óvininn með ákalli sínu.
Guð gaf okkur, þegar við háðum heimsbaráttu á Merkúr, þennan kraft, þennan mátt – aðeins vegna þess að við vorum tilbúin að jafna þrígreinda logann, að sækjast eftir visku og mætti viskunnar, að efla slíkan kærleika í hverri frumu og í loga hverrar frumu, þannig að árur okkar yrðu svo gegnsýrðar af kærleika að ekki nokkurri harðstjórn væri unnt að brengla svo mikið sem snifsi af krafti Guðs.
Ástkæru vinir, þið hafið ekki komist í snertingu við þetta afl sem ég hef talað um í þúsundir ára. Og þess vegna skiljið þið ekki beint hvað kemur fyrir mennska sál í návist slíks afls. Það verður kærleiks- og viskuafl – þegar það lýtur ekki stjórnleysi – algjörri harðstjórn, algjörri illsku, einræði yfir sálum! ...
Ástkæru vinir, sigri Merkúrs er ekki enn lokið. Stærri hluti sigursins var unninn, en viss hluti sona ljóssins og hinna föllnu einstaklinga höfðu ekki náð tilskildum þroska. Þeim var því úthlutað öðrum plánetubústöðum og kerfum. Sumir hinna föllnu stilltu strengi sína við þróunarferil dragbítanna sem að endingu endurholdguðust á jörðinni. Sumir sona og dætra Guðs ferðuðust til Venusar og fylgdu síðar Sanat Kumara til jarðar.
Þannig sjáum við nú á tímum á jörðinni baráttu háða milli þeirra sem eru af gömlum merg — hinna föllnu sem sköpuðu Merkúrsvélmennið og sona Guðs sem skoruðu þá og missköpun þeirra á hólm. Það eru til svo margs konar vígslur á jörðinni að maður skyldi ætla að það væri nauðsynlegt að verða tíuarma guð eða gyðja til að vinna verk sitt fyrir ljósið! Þetta er sannarlega satt! Og engla-tívarnir og uppstignu meistararnir veita ykkur marga líkama og marga arma og margar orkustöðvar til að leysa úr læðingi almætti Guðs — sérstaklega þegar þið örvið og eflið þann kraft með því að fela ykkur svo blíðlega á vald hans.
Það var að fenginni þeirrar reynslu á Merkúr að sum ykkar sem eruð hér með mér í kvöld lærðuð listina að takast á við lúsífersinna samkvæmt stríðsskilmálum þeirra og hernaði um alla heima. Með því að skilja stefnu hinna föllnu, höfðuð þið einnig fulla vitund um ljósstefnu Guðs — sem er kærleikur í allri sinni mynd, í allri sinni birtingarmynd — sem einfaldlega snýr upp á alla krafta og skriðþunga [andstæðinganna], hvert skref fyrir hvert mótskref, sem líkja má við [aðferðafræði] bardagalistanna sem kenndar eru á Vesturlöndum og hafa komið frá Austurlöndum, nema á mun fágaðri hátt vegna þess að orkustöðvarnar hafa öðlast meiri kraft.
Hér stöndum við í þeim sporum að halda áfram áskoruninni. Og sigurinn er ekki enn unninn – og sigurinn var ávallt, er ávallt og mun ávallt vera til staðar. Það snýst um að samræma samsíða línur tvíburahugans svo að sigurinn að ofan birtist hér að neðan!
Chela-nemar vilja Guðs, ég skora á ykkur á þessari stundu! Sú áskorun er til að gera ykkur einhuga — og þar með vera gjaldgenga fyrir lækkun rafskautsins fyrir milligöngu elóhímsins Apolló sem mun leyfa fyrri rafskautinu að jarðtengjast.[3] til að uppfylla meiri getu þar sem þið getið komist inn í huga Guðs og, með kærleika og aðeins kærleika, fundið kraftinn að sigrinum![4]
Sjá einnig
Heimildir
Elizabeth Clare Prophet, 26. apríl 1974.
- ↑ Vísar til “The Science of Rhythm for the Mastery of the Sacred Energies of Life” („Vísindalegrar umfjöllunar um takt í tónlist til að ná tökum á helgum orkustraumum lífsins“) í fyrirlestri sem Elizabeth Clare Prophet hélt 7. október 1977. Fyrirlesturinn innihélt glærusýningu sem sýndi notkun og misnotkun takts, hljóðs og orku í tónlist og áhrif þess á mannsáruna, með myndskreyttum pastelmyndum eftir boðberann.
- ↑ Matt 28:18.
- ↑ Vísar til ívilnunar sem elóhíminn Apollo tilkynnti 6. júlí 1975 — leysing aukins uppljómunarljóss „sem aðeins er veitt einu sinni á tíu þúsund árum til að hækka vitund og beina þeirri vitund í [hvirfilorkustöðina] ... Nú kemur sprotinn frá Meginsólinni með kosmískri tilskipun – uppgangur hugar mannkynsins! Og Sólarlogóinn gróðursetur þann sprota í samræmi við Krists-sjálf hvers og eins. Og það er gert! Og mannkynið getur, ef það kýs, notað sprotann til að ganga inn í nýja tíma og gullöld!“ Sjá “An Increment of Light from the Holy Kumaras,” in The Great White Brotherhood in the Culture, History, and Religion of America („Aukið ljósmagn í þrepum frá hinum helgu Kúmörum“ í Hinu mikla hvíta bræðralagi í menningu, sögu og trúarbrögðum Ameríku), bls. 269–70. Þann 7. október 1977 tilkynnti Apolló að sumir sem hefðu gengist undir ákveðnar vígslur í mörg þúsund ár væru nú tilbúnir að gerast samerfingjar huga Guðs. „Ég boða ykkur þessa vígslu svo að þið megið finna löngun til að koma frumeindum ykkar og frumum fljótt í samstillingu við huga Guðs svo að þið getið líka fengið í hverri lotu þær aukningar sem eiga að berast fyrir árið 2001.“ Sjá „Pearls of Wisdom“, 21. bindi, bls. 97.
- ↑ El Morya, 8. október 1977, „The Gemini Mind: For the Government of Society and the Self“ (Hugur tvíburanna: Fyrir stjórn samfélagsins og sjálfsins), Pearls of Wisdom, 24. bindi, nr. 43, 25. október 1981.