Myrka hringrásin

„Myrka hringrásin“ hófst 23. apríl 1969 og markaði upphaf endurkomu karmískrar hringrásar.

Á þessum umbreytingartímum frá fiskaöldinni til vatnsberaaldarinnar mælir hið mikla lögmál svo fyrir að þróun jarðar taki til beinnar aðgerðar uppsafnaðan þunga persónulegs karma og karma plánetunnar sem var slegið á frest í aldaraðir fyrir náð Guðs með holdtekju sona hans (þ.e. Jesú Krists og annarra avatara). Frammi fyrir sömu tilhneigingu til myrkraverka sem var ríkjandi fyrir nóaflóðið, sá Drottinn nú að "illska mannanna var mikil orðin á jörðinni og að allar hneigðir þeirra og langanir snerust ætíð til ills". Þá ákváðu Karmadrottnarnir þessa aðgerð til að koma í veg fyrir enn meiri misnotkun á tækifærum lífsins og til að koma í veg fyrir þá hörmung sem gæti orðið endanleg afleiðing vaxandi syndaflóðs heimsins.

Þann 20. ágúst 1969 útskýrðu boðberarnir að „koma hinnar myrku hringrásar þýðir einfaldlega að náðarhöndin sem hefur staðið í aldir á milli mannkynsins og myrkraverka þeirra hefur verið kippt til baka. Lögmál Guðs mun færa skjótan og afgerandi dóm yfir þá sem hafa talið sig geta tekið lögin í sínar hendur;" Villist ekki. Guð lætur ekki að sér hæða. Það sem maður sáir, það mun hann og uppskera.

Með því að kortleggja myrku hringrásina á hinni kosmísku klukku, stilltum við þann 23. apríl 1969 í Steingeitinni á 12 tíma línubilið og færum hana réttsælis um einn klukkutíma línubil á hverju ári.

Koma hinnar myrku hringrásar

Í fyrstu heyrðum við að Karma-drottnarnir væru að íhuga að láta hina myrku hringrás skella á hinn 5. nóvember 1966, þegar Hinn mikli guðdómlegi leiðtogi sagði fyrir milligöngu Mark Prophets:

Uppsöfnun mennsks óhroða, samvöxtur vanrækslu mannkynsins, hefur aukist meira en nokkru sinni fyrr í sögunni. Reyndar var hún aðeins þrír fjórðungar af núverandi ástandi þegar [þessi fjögur alheimsöfl (fjórar alheimsverur) og tuttugu og fjórir öldungar í samfylgd við þá] tóku þá ákvörðun um að kollvarpa [Atlantis- og öðrum] menningarheimum sem voru til á tímum Nóa.

Hugmyndir Nimrods [fallinn engill] höfðu náð til hjörtu fólksins og það þráði að sækjast eingöngu eftir efnislegum lystisemdum og þannig bar það til að flóðið kom. Þið verðið að skilja, allra náðugast, að í hvert skipti sem tortíming hefur komið yfir mannkynið hefur það verið vegna fásinnu og viðvarandi fávisku....

Nú er svo komið, kæru vinir, þegar [ljós-nemar] sendi ákall til [Stóra karmaráðisins] og það getur ekki svarað.... Vilji Guðs hefur skýrt afmarkað að ef núverandi stefnu er haldið til streitu, [það er að segja ef yfirgnæfandi meirihluti íbúa jarðarinnar viðheldur núverandi karmamyndunarstefnu], þá verður öll jörðin afmáð úr reikistjörnukeðjunni af brýnni nauðsyn og hinir réttlátu sem eru hér verða fluttir til [heimkynna á öðrum reikistjörnum til að að taka þátt í] þróun þeirra....

Þess vegna gefum við út í kvöld þá tilskipun að ekki nema mannkynið breyti og betrumbæti [hegðun sína] og lagfæri suma af þeim hræðilegu meinsemdum sem nú eru til staðar í samfélaginu, þá munu höfuðskepnurnar [móðir náttúra] vissulega ekki geta haldið aftur af holskeflu mennskrar sköpunar sem nú stendur að baki því, sem haldið hefur verið aftur af í nafni miskunnsemi alheimsins.

Í október 1967 sagði guðinn Meru að ekki nema mannkynið snéri sér frá villu síns vegar myndi teikn hinnar myrku hringrásar hefjast 18. janúar 1969. Fjöldi kosmískra vera, þar á meðal Hinn mikli guðdómlegi leiðtogi, lýstu yfir samþykki sínu við tilmælum Sólar-drottnanna, því þeir lýstu því yfir að það væri ekki lengur miskunnarverk að leyfa mannkyninu að halda að það gæti komist upp með að brjóta á lögmálinu og sloppið við afleiðingar gjörða sinna. Þessar miklu verur bentu á að (vegna mikillar náðar lögmálsins) gátu margir ekki greint í hverri tiltekinni endurfæðigu í rás tímans endurkomu karma síns. Þess vegna, í stað þess að elska Guð meira fyrir hinn mikla kærleik hans og langlundargeð gagnvart þeim, fóru sumir að fyrirlíta hann á meðan aðrir sannfærðust um að hann væri ekki til.

Í kjölfar umræðna þeirra var sú tilskipun gefin út að mannkynið yrði að bera karmabyrði sína ef það sneri ekki við niðurrífandi uppsöfnuðum skriðþunga sínum og sneri sér að þjónustu ljóssins fyrir 18. janúar 1969. Endurkoma karma þess höfðu þær vitsmunaverur lengi haldið í skefjum sem reyndu að leiða mannkynið inn í uppsveiflu sjálf-stjórnar áður en það þyrfti að jafna orkuna sem var rangfærð fyrir fávisku sakir. Nú var krafist að einstaklingurinn og mannkynið í heild sinni myndi standa skil á og horfast í augu við mistök sín og sigrast á misnotkun sinni á lögmálinu sem skráð var í rafrænum beltum þess. Þetta yrði tími mikilla þrenginga, „grátar og gnístran tanna“ eins og Jesús sagði. Þaðan kemur hugtakið „hin myrka hringrás“.

Mið-Austurlönd

Þann 19. janúar 1969 útskýrði Gátama Búddha:

Þeir sem voruð viðstaddir ávarp mitt á tólftu stundarfundinum muna að ég sendi Karmaráðinu beiðni um að fresta 18. janúar 1969 upphafi hinnar myrku hringrásar og færa hana frá þeim tíma til 18. júlí 1969. Þið fenguð ekki svar Karmaráðsins (sem ég hafði talið vera góðs viti). En af ástæðum sem þessir ráðsmenn þekkja best, sem þeir hafa tilkynnt mér í einrúmi, hefur ákvörðun þeirra verið að verða við þessari beiðni með fyrirvara og aðeins með þeim skilyrðum að Ísrael hætti árásargjarnri afstöðu sinni gagnvart arabísku ríkjunum. Að sjálfsögðu verða arabísku ríkin einnig að halda aftur af sér í aðgerðum sínum; því við forgangsröðum ekki einni þjóð framar annarri. En þær stríðsóðu sviðsmyndir sem nú er haldið á lofti í landinu helga eru fyrir okkur viðsjárverðasti þátturinn sem er til þess gerður að steypa mannkyninu á hausinn í helför tortímingar hnattarins.

Þetta er vegna þess að ef þessar bardagar hefðu stigmagnast, hefðu Bandaríkin tekið afstöðu með Ísrael og Sovétríkin tekið afstöðu með arabísku ríkjunum og hafið þar með heimsstyrjöld byggða á karmískum skrám um fjandskap þeirra.

Þann 22. apríl 1969 sagði U Thant, aðalritari Sameinuðu þjóðanna, að Ísrael og Egyptaland væru í „nánast virku stríði“ og að vopnahlé Sameinuðu þjóðanna væri orðið „algerlega árangurslaust á Súesskurðarsvæðinu“.

Daginn eftir, 23. apríl, hafnaði Egyptaland formlega vopnahléinu og við svo búið hófst hin myrka hringrás. Tilgangur hennar: að leysa karma úr læðingi og þar með minnka eyðileggingarmátt beggja aðila og þannig hafa stjórn á skaðanum. Og myrki hringrásin er einmitt það, skaðaminnkun.

En tímabil hinnar myrku hringrásar útrýmir ekki frjálsum vilja. Og fólk verður að vinna að því að gera betur til að gera betur.

Það eru dragbítar á plánetunni nú á tímum sem þrátt fyrir mikla karmabyrði hafa komist upp á lag með undanbrögðum, drepið karma sitt í dróma og notað hinu myrku hringrás í eiginhagsmunaskyni: þeir heyja stríð, stjórna báðum hliðum átakanna og nota ringulreiðina til að stokka spilin þannig að heildarávinningur þeirra gefi þeim meiri völd, fé og stjórn yfir fólkinu og auðlindum plánetunnar. Og ljósberarnir hafa minni, og minni, og minni slagkraft í hvert skipti sem formúlan er endurtekin.

Jafnvel eftir að myrka hringrásin hófst voru Bandaríkin og Sovétríkin næstum dregin inn í stríð í Mið-Austurlöndum. Þann 24. október 1973 leiddi ógnin um beina íhlutun Sovétríkjanna í Yom Kippur stríðið milli Ísraels og bandalags arabaríkja næstum til kjarnorkuvopnaviðskipta.

Tilgangur hinnar myrku hringrásar

Megintilgangur myrkrahringrásarinnar er að binda fólk svo fast í gamla slæma karmafari sínu að það hafi einfaldlega ekki tíma, ráðrúm eða orku til að skapa nýtt slæmt karma. Raunveruleikinn er sá að endurkoma slæms karma kemur í veg fyrir að fólk skapi meira slæmt karma. Því umfram allt er karma takmarkandi. Það takmarkar frjálsan vilja og frjálsa tjáningu hans. Það takmarkar útþenslu hugans og hjartans. Það takmarkar getu fólks til að gera hvað sem það vill gera. Karma, og sérstaklega karmísk endurkoma þessa myrkrahringrásar, er, einfaldlega sagt, farartálmi.

Þegar karma slær niður er það eins og síróp viðkomu; það er svo klístrað og þungt að það dregur úr getu fólks til að valda usla og vinna illvirki. Karma er eins og tjöruborið barn. Karma slær niður til að takmarka eyðileggingarmátt mannkynsins og varðveita valkost þess til að láta gott af sér leiða. Og þess vegna hefur fólk, frá 23. apríl 1969, bókstaflega fest sig í klístruðu karma sínu.

Umbreyting á karma hinnar myrku hringrásar

Í ávarpi sínu á gamlárskvöld árið 1992 tilkynnti Gátama Búddha að héðan í frá myndi fínn salli, ... karmaryk, koma yfir allar verur á jörðinni á tuttugasta og þriðja degi hvers mánaðar. Gátama sagði að hægt væri að umbreyta miklu af þessu karma með fjólubláa loganum.

Erkienglarnir Sadkíel og heilög Ametýst minna okkur á að vera viðbúin tuttugasta og þriðja degi hvers mánaðar:

Það er gott að kalla á fjólubláa logann aukalega á tuttugasta og öðrum degi og allan daginn þann tuttugasta og þriðja svo að þið getið umbreytt karma áður en það sest í svitaholur húðarinnar.... Karma er fínt sót ... og það kristallast þegar það fellur, deyfir hæfileika sálarinnar og sljóvgar heilann. Og nema þið séuð vakandi, munuð þið ekki muna eftir hinum meiri andlega skýrleika sem þið höfðuð áður en þetta viðbótarlag af karma kom yfir ykkur.

Saint Germain talar um sérstaka undanþágu sem við getum notað til að umbreyta þessu karma:

Á tuttugasta og þriðja degi hvers mánaðar kemur aukning á karma mannkynsins yfir alla óuppstigna lífsstrauma sem eru karmískt tengdir þróun jarðarinnar. Ekki er hægt að ofmeta alvarleika þessa karma. Til mótverkunar koma til skjalanna möntrufyrirmæli ykkar með fjólubláa loganum og margfaldast áhrifin með góðverkum ykkar. Því að hið mikla lögmál hefur mælt svo fyrir:

Þeir sem trúfastlega fara í þrjár klukkustundir eða meira með fjólublá möntrufyrirmæli á tuttugasta og þriðja degti hvers mánaðar, sérstaklega til að umbreyta persónulegu karma sínu, munu hreinlega sleppa við persónulegt karma hinnar myrku hringrásar fyrir tiltekinn mánuð.

Þeir sem trúfastlega gefa níu klukkustundir eða meira af fjólubláum logafyrirmælum á tuttugasta og þriðja degi hvers mánaðar, sérstaklega til að umbreyta plánetukarma, munu hreinlega sleppa við plánetukarma myrku hringrásarinnar fyrir tiltekinn mánuð.

Þetta, mín ástkæru, er óviðjafnanleg ívilnun! Þó að rigni eldi og brennisteini, eins og sagt er: „leyfið ekki neinum eða neinu að standa í vegi fyrir einingu ykkar við mig á tuttugasta og þriðja degi hvers mánaðar uns þið stigið upp til himna!“

Ef við getum haldið 90% af einbeitingu okkar annað hvort á fjólubláa loganum eða ÉG ER-nærverunni, munum við hljóta óhefta fimmtán mínútna ívilnun Omri-Tas og allar aðrar undanþágur fjólubláa logans sem Saint Germain hefur gefið. Þetta þýðir að hugsanir okkar, tilfinningar og viðhorf mega ekki láta leiðast afvega: við verðum að hafa þann einbeitta aga að sjá fyrir okkur fjólubláa logann eða ígildi fjólubláa logans.

Ef við höldum að minnsta kosti 90% einbeitingu í tvær heilar klukkustundir á fjólubláa loganum, munum við margfalda möntrufyrirmæli okkar með ívilnun Saint Germains og Omri-Tas sem jafngildir því að við höfum náð að gefa möntrufyrirmæli í tólf klukkustundir og þar með munum við raunbirta umbreytingu persónulegs karma okkar og við sleppum við plánetukarma hinnar myrku hringrásar í tilteknum mánuði.

Til frekari upplýsinga

Elizabeth Clare Prophet, “The Four Horsemen: A 2,000-Year Ride („Riddararnir fjórir: Tvö þúsund ára reiðtúr“), Pearls of Wisdom, 33. bindi, nr. 6, 11. febrúar 1990.

Elizabeth Clare Prophet, „DROTTINN Guð gefur túlkun á hlutverkum hinna fjögurra riddara: Stríð gegn föðurnum, syninum, heilögum anda og guðlegu móðurinni í,“ Perles de sagesse, vol. 33, num. 7, 18. febrúar 1990.

Mark L. Prophet and Elizabeth Clare Prophet, The Path to Immortality, pp. 92–101.

1969 Pearls of Wisdom, viðauki, bls. 263–66..

Sjá einnig

Súrýa dagur

Heimildir

Pearls of Wisdom, vol. 31, no. 27.

Elizabeth Clare Prophet, 23. desember 1996.