Jóhannes hinn ástkæri
„Jóhannes hinn elskaði“ var nánasti lærisveinn Jesú Krists. Hann skrifaði Opinberunarbókina, sem Jesús las upp og engill“ hans innsiglaði og sendi. Þessi lærisveinn sem best skildi dulrænar kenningar Krists steig upp til himins við lok þessa æviskeiðs, sá eini af postulunum sem náði þessu takmarki í það skipti.
Fyrri líf hans á jörðinni
Undir umsjá Jósefs, verndara Maríu guðsmóður og Jesú, fengu Jóhannes og bróðir hans Jakob þjálfun í Essenasamfélaginu. Eftir að hafa séð Jesú ganga inn í innra musterið á meðan hann baðst fyrir utandyra, skynjaði Jóhannes hvað fyrir Kristi ætti að liggja. Árum síðar, þegar kallið kom, var hann tilbúinn að fylgja Drottni sínum og meistara.
Af öllum lærisveinunum var kærleikur Jóhannesar magnaðastur. Þennan kærleika beindi hann ekki aðeins til Jesú, heldur einnig til ljóss Krists í sér og til köllunar sinnar, sem hann, umfram allt, skildi og deildi. Jóhannes hefur sagt okkur að kærleikur hans til Jesú hafi verið svo mikill að til þess að geta stigið upp þurfti hann að læra merkingu ópersónulegs kærleika.
Jóhannes var eini lærisveinninn sem yfirgaf ekki Jesú þegar hann var að deyja á krossinum. Þegar Jesús sá Jóhannes standa þar nærri með Maríu sagði hann við hana: „Kona, sjá, sonur þinn!“ og sagði við Jóhannes: „Nú er hún móðir þín!“[1] Jesús viðurkenndi þannig Jóhannes sem andlegan bróður sinn, sem verðugan þess að vera sonur móður sinnar – og lyfti þar með Jóhannes upp á Krists stig.
Jóhannes var persónuleg fylling Krists-sjálfsins, og ef þetta hefði ekki verið rétt, hefði Jesús ekki skapað þessi tengsl því María var frumgerð ímynd Alheims-móðurinnar – hún fól í sér loga guðsmóðurinnar. Þegar Jesús kallaði Jóhannes son hennar, átti hann ekki aðeins við það í veraldlegum skilningi heldur einnig að hann væri sonur Guðs í alheimslegum skilningi, sonur hinnar guðlegu móður sem hún var fulltrúi fyrir.
Jóhannes dvaldi í Jerúsalem um tíma á meðan ofsóknirnar stóðu yfir eftir upprisu Jesú. Eftir píslarvætti Péturs og Páls postula settist Jóhannes að í Efesus, stærstu borg Litlu-Asíu, þar sem Páll hafði höfuðstöðvar trúboðsstarfs síns. Það er til erfikenning, sem kirkjufeðurnir Tertúllíanus og Híerómus staðfesta, að á valdatíma Dómitíanusar keisara hafi Jóhannes verið færður til Rómar þar sem átti að taka hann af lífi í sjóðandi olíukatli en á undursamlegan hátt tókst það ekki. (Þessa eldraun gengu ungmennin Sadrak, Mesak og Abednegó einnig í gegnum.[2]) Jóhannes komst óskaddaður úr katlinum og var síðan sendur í útlegð til eyjarinnar Patmos. Þar tók hann við og skráði boðskap Opinberunarbókarinnar.
Eftir dauða Dómitíanus árið 96 e.Kr. gat Jóhannes snúið aftur til Efesus og telja margir að hann hafi skrifað guðspjall sitt og þrjú bréf á þeim tíma á níræðisaldri. Sagt er að Jóhannes hafi varið síðustu árum sínum í Efesus og náð háum aldri, lifði lengur en allir hinir postularnir. Samkvæmt sumum heimildum „hvarf“ hann einfaldlega — var fluttur eins og Elía eða „tekinn upp“ til himna eins og hin blessaða mey. Aðrir vitna um kraftaverkin sem urðu til úr dufti grafar hans.
Í einu fyrri lífa sinna var Jóhannes „Benjamín, hinn iðjulausi draumóramaður og yngsti bróðir Jósefs“ en Jósef endurfæddist um síðir sem Jesús. Af ellefu bræðrum sínum (sem allir þjónuðu sem lærisveinar Jesú á lokaæviskeiði hans) elskaði Jósef Benjamín mest.
Þjónusta hans nú á tímum
Einkennismerki Jóhannesar er fjólublár maltneskur kross sem lagður er ofan á rauðgulan maltneskan kross með gylltum ljóma í kringum hann. Athvarf Jóhannesar hins ástkæra er á ljósvakasviðunum uppi yfir Arisóna-fylki í Bandaríkjunum. Frá athvarfinu streymir fjólublár og gylltur logi sem beinir guðdómlegum kærleika til hinna fjögurra höfuðskepna. Fyrir atbeina þessa krafts kennir Jóhannes andlegum nemum að virkja þessa fjóra eðlisþætti guðdómsins, eld, loft, vatn og jörðu.
Hinn ástkæri Jóhannes og bræður hans og systur sem þjóna í athvarfi hans bera með sér þá von um að geta kennt sem flestum hinn ópersónulega ópersónuleika guðdómlegs kærleika í gegnum vald á eldsþættinum, ópersónulegan persónuleika guðdómlegs kærleika í gegnum vald á loftþættinum, persónulegan persónuleika guðdómlegs kærleika í gegnum vald á vatnsþættinum og persónulegan ópersónuleika guðdómlegs kærleika í gegnum vald á jarðþættinum. (Þessir fjórir þættir vitundar Guðs samsvara Guði sem föður, sonar, móður og heilags anda.)
Nemar sem vilja kynna sér þessa fjóra eðlisþætti Guðs geta beðið um að vera fluttir til athvarf Jóhannesar hins ástkæra á meðan þeir sofa. Þar læra þeir og hvernig þeir geta leyst vandamál siðmenningar okkar sem rekja má til brenglunar kærleiksgeislans á plánetunni.
Sjá einnig
Athvarf Jóhannesar hins elskaða
Engillinn sem operaðaðist hinum guðdómlega Jóhannesi
Heimildir
Mark L. Prophet and Elizabeth Clare Prophet, The Masters and Their Retreats, sjá “John the Beloved.”