Lótus
Uppstigni kvenmeistarinn „Lótus“ endurfæddist síðast sem „Edna Ballard“, boðberi Saint Germains í ÉG ER-starfseminni, sem var stofnuð snemma á fjórða áratug síðustu aldar. Tvíburalogi hennar er boðberinn Guy W. Ballard, nú uppstigni meistarinn Godfre. Í gegnum þá miðlaði Saint Germain fyrst þekkingunni á fjólubláa loganum til heimsins.
Fyrri jarðvistir
Gullöld í Sahara eyðimörkinni
► Aðalgrein: Gullöld í Sahara eyðimörkinni
Lótus, Godfrey og sonur þeirra Donald voru öll í jarðvist fyrir meira en fimmtíu þúsund árum sem börn Saint Germains, yfirstjórnanda gullaldarsiðmenningar á svæðinu þar sem Saharaeyðimörkin er nú.
Jóhanna af Örk
► Aðalgrein: Jóhanna af Örk
Lótus endurfæddist siðar sem Jóhanna af Örk (1412–1431), sem fékk þá köllun frá Guði að safna saman frönskum herjum og reka burt enska innrásarherinn.
Síðari endurfæðingar
Hún endurfæddist einnig sem Elísabet I af Englandi (1533–1603) og sem Benjamín Franklín (1706–1790), sem lék mjög áhrifamikið hlutverk í stofnun bandarísku þjóðarinnar.
Lokaæviskeið hennar
Edna Ballard, sem nemar hennar kölluðu oft Mama Ballard (Ballard mömmu), notaði dulnefnið „Lótus Ray King“. Hún gekk í gegnum miklar raunir og ofsóknir á meðan hún var boðberi. Í Los Angeles árið 1940 (árið eftir uppstigningu Godfres) voru ákærur bornar fram gegn frú Ballard, syni hennar Donald og öðrum fyrir meinta sviksamlega fjáröflun í pósti. Þrátt fyrir harðar mótbárur lögmanns sakborninganna var kviðdómi í raun falið að ákveða hvort Ballard-hjónin tryðu í raun því sem þau kenndu og skrifuðu um boðberastarf sitt og uppstigna meistara.
Á sex ára tímabili fór málið „Bandaríkin gegn Ballard“ í gegnum tvö réttarhöld og langa röð áfrýjana þar sem frú Ballard var á einum tímapunkti sakfelld og dæmd í eins árs fangelsi og 8.000 dala sekt þótt fangelsisdóminum hafi síðar verið frestað. Stuttu síðar gaf pósthúsið út úrskurð um að ekki mætti veita ÉG ER-starfseminnni póstþjónustu. Í ljósi slæmrar umfjöllunar í fjölmiðlum og mikilla fordóma innan réttarkerfisins héldu frú Ballard og nemendur hennar áfram að berjast og viðleitni þeirra náði hámarki með því að Hæstiréttur Bandaríkjanna ógilti dóminn árið 1946. Oft verið vitnað til skriflegs álits málsins í síðari málaferlum til að banna dómsrannsóknir á haldbærum sannleika eða ósannindum trúarskoðana.
Hinn uppstigni kvenmeistari Magða talaði eitt sinn um þjónustu Ballard-hjónanna og ofsóknir á hendur þeim. Hún sagði að við hefðum ekki tækifæri til að fara með fjólubláa logann og stíga upp „ef Saint Germain, Godfrey og Lótus hefðu ekki verið tilbúin að þola algjörar ofsóknir, réttarhöldin, lygarnar í dagblöðunum varðandi ÉG ER-hreyfinguna. Þið hafið einnig verið ofsótt á ykkar tíma, en þessir dagar ÉG ER-hreyfingarinnar voru hræðilegir og eiga sér ekki samjöfnuð.“[1]
Þann 18. nóvember 1970 flutti Edna Ballard síðasta fyrirlestur sinn fyrir munn uppstignu meistaranna áður en hún andaðist. Þann 12. febrúar 1971 steig hún upp og varð uppstigni kvenmeistarinn Lótus.
Köllun hennar í samtímanum
Lótus ræddi árið 1973 um þjónustu sína og áframhaldandi köllun boðberanna Mark Prophets og Elizabeth Clare Prophet:
Sum ykkar hér þekktu mig í síðustu jarðvist minni og þið kölluðuð mig mömmu. Ég óska þess að þið tileinkið Guðs-móður logans þetta ávarp; því ég yfirfæri sigurkraft minn til hennar í kvöld ásamt ljósherjum og ég gef henni möttul valds míns og boðberastarf mitt undir Saint Germain....
Ég tala nú beint til þeirra nema sem voru með mér í ÉG ER-starfseminni og ég segi ykkur, óháð öllum sönnunargögnum um hið gagnstæða eða einhverju sem kann að hafa hrotið af vörum mínum meðan ég var í holdinu, þá aðhyllist ég og styð af öllu hjarta mínu þessa starfsemi The Summit Lighthouse (Ljós-vitann á tindinum) og þennan boðbera sem áframhaldandi útvörð og útrás Stóra hvíta bræðralagsins og Saint Germains á þessum tímum.
Því að ég skil, út frá vitundarstigum hinna uppstignu, hið áframhaldandi eðli helgivaldsins. Og þótt aðeins tveir boðberar Bræðralagsins séu fyrir hendi, þá mynda þessir tveir boðberar embætti vitnanna tveggja sem talað er um í Opinberunarbókinni. Þetta er því háleit og heilög köllun sem tvíburalogar eru vígðir til á hverri öld.
Þannig, þar sem það er aðeins einn Kristur, þá eru margar birtingarmyndir embættis Krists; og þar sem það eru embætti í helgivaldi, þá er tækifæri til að þjóna í þessum embættum gefið uppstignum og óuppstignum sonum og dætrum Guðs þegar þau þróast í stigveldiskerfi Stóra hvíta bræðralagsins.[2]
Sjá einnig
Heimildir
Mark L. Prophet and Elizabeth Clare Prophet, The Masters and Their Retreats, sjá “Lótus.”